Christoph Ferrier

Einige Songtexte aus dem neuen Album.

DOMIZIL

Eifach nümm so richtig ufe
s längt no knapp i d Rooftop-Bar

E Chrüzfahrt uf dr Luftmatraze

Egusee statt Sansibar

Eifach nümm so Annapurna
de doch lieber Bütschelegg
am Balkongländer Socke tröchne us dr Sanduhr tropfet d Zyt

Eifach nümm so richtig bysse schlücke chöi mer o nümm aus s paar Bröcke us em aute Läbe gäben is e dicke Haus

Ehrerundi uf dr Achtibahn u de langsam abebrönne Ds Brot wird hert, dr Äcke styf u d Luft gäg ufe dünner

Eifach nümm so la veräpple
blybe suber analog
statt Smoothies us em Metaverse Rohchoscht us em Fuetertrog

Ehrerundi uf dr Achtibahn u de langsam abebrönne Ds Brot wird hert, dr Äcke styf u d Luft gäg ufe dünner

No geit im Chäuer d Sunne uuf
im Eschtrich geit si under
Ds Läbe blybt chläbe im ne Fotobuech

U hie u da
(u ab und zue) gits doch de no ...

No geit im Chäuer d Sunne uuf
im Eschtrich geit si under

Ds Läbe blybt chläbe im ne Fotobuech

U hie u da
(u ab und zue) gits doch de no

es chlyses Wunder

FLACHLAND

Zytig gläse, ds Bluet verdünnt, d Seniore sy parat
vor ihrne Dame i de Ligestüehl schlö si no einisch ds Rad Luft i Pneu vom aute Subaru, mit vouem Tank uf Pischte dr Läbeslouf im Kofferruum i re Bananechischte

Auti Fauter, graui Panther starte ihri Limousine
schlyche us dr Stadt u nach em Gäbubach linggs i ds Flachland ine Näb dr auerletschte Tanksteu vor dr Wüeschti Sahara
steit e Wäublächdiskothek, dert göh no einisch d Liechter aa

E Saau, e Büni u drufobe e DJ us Papier
ar Wang es Büffee, gsponseret vom Kiosk vis-à-vis
Dr Johnny chunnt us Woodstock, d Janis chunnt vo Lützuflüe sy fasch aui da, wo synerzyt dobe uf em Mond sy gsy

No einisch Aalouf hole, no einisch Aalouf hole für ne letschti Pirouette hingertsi
no einisch Aalouf hole
no einisch Aalouf hole

wes dunku wird
wes dunku wird am Rand vo dr Prärie

Mir sy bi Troscht, mir bruuche kene, viu verdrängt u viu vergässe lö nüt la lige ussert ds herte Brot u üses schlächte Gwüsse Spöiet den Aute nid i d Suppe, wo ke Scham isch, gits ke Schuud

ds Huus isch glüftet u dr Rase gmäit u d Rächnig heit der uf em Puut

No einisch Aalouf hole
no einisch Aalouf hole
für ne letschti Pirouette hingertsi no einisch Aalouf hole
no einisch Aalouf hole
wes dunku wird

No einisch Aalouf hole
no einisch Aalouf hole
für ne letschti Pirouette hingertsi
no einisch Aalouf hole
no einisch Aalouf hole
wes dunku wird
wes dunku wird am Rand vo dr Prärie